“Abituriyent” jurnalının xüsusi buraxılışı olan “Ali təhsil müəssisələrinin bakalavr ixtisasları” adlı vəsait artıq oxucuların istifadəsinə verilmişdir.
Ali təhsil müəssisələrinə qəbula hazırlaşan abituriyentlərə və yuxarı sinif şagirdlərinə metodiki kömək məqsədi daşıyan bu vəsait TQDK-nın sədri M.M.Abbaszadənin ümumi rəhbərliyi ilə “Abituriyent” jurnalının əməkdaşları tərəfindən hazırlanmışdır. Vəsaitdə hər bir bakalavr ixtisasının mahiyyəti, xarakteristikası, təyinatı, tədris edilən  peşə-ixtisas fənləri, öyrədilən ixtisas bilik və bacarıqları, məzunların peşə fəaliyyətinin əsas sahələri, istiqamətləri və iş yerləri barədə məlumatlar verilir.
Vəsaitdən abituriyentlər, şagirdlər, habelə valideynlər və təhsil işçiləri istifadə edə bilərlər.