Dövlət İmtahan Mərkəzi “Coğrafi terminlər və anlayışların izahlı lüğəti”ni nəşr edib.
Lüğətdə “Coğrafiya” fənninin proqram, dərslik və dərs vəsaitlərində öz əksini tapmış bütün terminlər qruplaşdırılıb, onların yığcam izahı verilib.
Materialların əlifba sırası ilə təqdim edilməsi onlardan istifadəni asanlaşdırır. Belə ki, abituriyent və ya şagirdlər tədris prosesində, yaxud ondan kənarda rastlaşdığı hər hansı coğrafi prosesi, hadisəni öyrənərkən bu lüğətdən asanlıqla yararlana bilərlər.
Lüğət yuxarı sinif şagirdləri, abituriyentlər, müəllimlər üçün vəsait kimi nəzərdə tutulub.
Nəşri “Abituriyent” satış məntəqəsindən (Bakı şəhəri, Nizami rayonu, Davud Aslan küçəsi, 2A), həmçinin kitab mağazalarından almaq, www.abiturient.az saytında və Wolt tətbiqində sifariş etmək mümkündür. https://shorturl.at/B4g0M