Jurnalın buraxılışlarına geniş ictimaiyyətin dərin maraq göstərməsi nəzərə alınaraq onun online satış sistemi də istifadəyə verilib. Bu sistem vasitəsilə jurnalın bütün sayları və xüsusi buraxılışlarını – buraxılışları, test kitabçaları, metodiki vəsaitlər və statistik materialları əldə etmək mümkündür. Bunun üçün istifadəçi online rejimdə jurnalın almaq istədiyi buraxılışını seçib, elektron kart vasitəsilə ödəniş edə bilər. Bundan sonra həmin buraxılış poçt vasitəsilə onun ünvanına çatdırılacaqdır.

“Abituriyent” jurnalının 10-cu sayında Azərbaycan Respublikasının orta ixtisas təhsili müəssisələrinə ümumi orta (9 illik) təhsil bazasında qəbul olmuş abituriyentlərin siyahısı çap edilmişdir. Bu nömrədə eyni zamanda ixtisaslar üzrə minimal keçid balları Azərbaycan və rus dillərində təqdim olunur.

«Abituriyent» jurnalının 7-ci sayında ali təhsil müəssisələrinin boş qalan plan yerlərinə qəbul haqqında elan dərc olunmuşdur. Bununla bərabər jurnalda “Abituriyentin elektron ixtisas seçimi ərizəsi”nin doldurulma qaydası, “Abituriyentin elektron ixtisas seçimi ərizəsi”nin nümunəsi, ali təhsil müəssisələrinin boş qalan plan yerlərinə tələbə qəbulu aparılan ixtisasları, qeyri-dövlət ali məktəblərin tədrisi ingilis dilində olan ixtisasları, ali təhsil müəssisələrinin bakalavr səviyyəsinə dövlət sifarişi əsasında tələbə qəbulunun proqnozu üzrə boş yerlər və diqər zəruri məlumatlar Azərbaycan və rus dillərində təqdim olunur.

«Abituriyent» jurnalının 8-ci sayında ali təhsil müəssisələrinin boş qalan plan yerlərinə tələbə qəbulunun nəticələri dərc olunmuşdur. Bununla bərabər jurnalda ixtisaslar üzrə müsabiqə nəticəsində alınmış minimal keçid balları və dövlət sifarişi üzrə qəbul aparılan yerlərin müsabiqəsində alınmış keçid balları Azərbaycan və rus dillərində təqdim olunur.

«Abituriyent» jurnalının 9-cu sayında tam orta təhsil bazasında orta ixtisas təhsili müəssisələrinə tələbə qəbulunun nəticələri dərc olunmuşdur. Bununla bərabər jurnalda ixtisas kodları və müsabiqə nəticələrinə görə alınmış uyğun keçid balları Azərbaycan və rus dillərində təqdim olunur.

«Maqistr» jurnalının 7-cı sayında ali təhsil müəssisələrinin maqistraturalarının boş qalan plan yerlərinə qəbulun nəticələri dərc olunmuşdur. Bununla bərabər jurnalda ixtisaslaşmalar üzrə minimal keçid balları və dövlət sifarişi yerlər üzrə müsabiqə nəticəsində alınmış uyğun keçid balları Azərbaycan və rus dillərində təqdim olunur.