14 – 16 iyul 2025-ci il tarixlərində Dövlət İmtahan Mərkəzində 2024/2025-ci tədris ili üçün tələbə qəbulu və ümumi təhsil müəssisələri üzrə buraxılış imtahanlarının nəticələrinin elmi-statistik təhlilinin ictimai müzakirələri təşkil edilib.

İyulun 14-ü "Abituriyent" jurnalının 12-ci nömrəsinin təqdimatı olub.

Tədbirin ilk günü ali təhsil müəssisələrinin bakalavriat səviyyəsinə tələbə qəbulu imtahanlarının nəticələrinin elmi-statistik təhlilinin müzakirəsi həyata keçirilib.

İyulun 15-i ümumi təhsil müəssisələri üzrə buraxılış imtahanlarının nəticələrinin elmi-statistik təhlilinin müzakirəsi aparılıb.

İyulun 16-ı ali təhsil müəssisələrinin magistratura və rezidentura səviyyələrinə, eləcə də orta ixtisas təhsili müəssisələrinə qəbul imtahanı nəticələrinin elmi-statistik təhlillərinin müzakirəsi keçirilib.

Müzakirələrdə pedaqoji və təhsil ictimaiyyəti nümayəndələri – məktəb direktorları, müəllimlər, təhsil qurumları və müəssisələrinin təmsilçiləri iştirak ediblər.